Zergatik erabiltzen dugu egurra?
Eraikuntzan gehien erabiltzen den materiala zura da. Gainera, jatorri arduratsuko egurra da berriztagarritzat jo daitekeen material bakarra.
Eraikuntza-xehetasunak zaintzen badira, iraupen luzeko eraikuntza-sistema eta -materiala da.
Japonian dagoen Horyuji tenplu budistako bost pisuko pagoda munduko zurezko eraikin zaharrena da.
Pagodako pilare nagusia zipres japoniako zipres batetik dator. 594. urtean bota zuten eta, beraz, eraikinak 1.500 urte inguru ditu. Nahiz eta egitura elkarri lotutako zurezko piezez osatuta egon, lurrikarek ez diote eragin. Tenplu honetan mota honetako hainbat eraikin daude, eta zurezko eraikuntzak izan dezakeen bizitza-luzeraren adibide ezin hobeak dira.
Zurez egindako etxe orratz bat?
Mjøstårnet dorrea Voll Arkitekter-ek diseinatu eta 2019an eraiki zuen. Egitura osoa egurrezkoa da —batez ere zur ijeztua eta CLT—, eta 85,4 metroko altuera du.
Zurezko eraikuntzak hainbat abantaila ditu:
Ingurugiro-onurak
Zurak CO2 biltegiratzen du. Zuraren pisu lehorraren %50 karbonoa da, eta bertan mantentzen da, moztu ostean ere. Beraz, karbono-aztarna murrizten du, beste material batzuekin alderatuz.
Energia-onurak
Zurezko eraikinak eraginkorragoak dira, energetikoki. Ekoizteko energia gutxiago behar izateaz gain, zurak hormigoiak baino isolamendu termiko hobea ematen du.
Ekonomia-onurak
Zurezko eraikuntza azkarra izan daiteke, eta dirua aurrezten du. Erraz garraiatu eta erabil daitekeen materiala da. Eta obraren tokitik kanpo aurrefabrikatu daitekeenez, obra era azkarrean entregatu daiteke.
Osasun-onurak
Zura erakargarria egiten zaigun materiala da, eta barrualdeei berotasuna ematen die; leuntasun naturala du, eta horrek ingurune lasaia eta atsegina eskaintzen du, erosotasun itxura iradokiz.